सगुनको ‘मोबाइल एप’ सार्वजनिक हुँदै, यस्ता छन् विशेषता

काठमाडौं, पुस २५ । सोसियल इकमर्स साइट सगुनले आफ्नो एन्ड्रोइड मोबाइल एप मंगलबार नयाँ दिल्लीबाट सार्वजनिक गरेको छ ।

नयाँदिल्लीको पाँचतारे ‘द ललित होटल’मा आयोजित भब्य समारोहबीच सोसियल इकमर्स साइट सगुनले आफ्नो ‘एन्ड्रोइड मोबाइल एप’ सार्वजनिक गरेको हो ।

एप सार्वजनिक कार्यक्रममा बलिउड अभिनेतृ श्रद्धा कपुर प्रमुख अतिथि रहेकी छिन् । अर्की चर्चित अभिनेतृ तथा टीभी पर्सनालिटी मंदिरा बेदीले उक्त कार्यक्रमको सन्चालन गर्दैछिन् । कार्यक्रममा भारतका विभिन्न दलका नेता, चलचित्रकर्मी, सरकारी अधिकारी, ठूला आइटी कम्पनीका प्रतिनिधिलगायत विभिन्न क्षेत्रका ब्यक्तित्वहरुको सहभागिता रहको छ ।

सगुनको एप सार्वजनिक कार्यक्रममा सहभागी हुन संस्थापक गोविन्द गिरी, सहसंस्थापक कविन सिटौलालगायत बेलायत, अष्टेलिया, कोरिया, अमेरिकाका शेयरधनीहरु दिल्ली आएका छन् । सगुनका सहसंस्थापक सिटौलाले विश्वका स्टार्टअप कम्पनीहरुले ‘ग्लोबल लन्चिङ’मा गर्ने जस्तै भब्य समारोहको तयारी गरिएको बताए । ‘फेसवुक, ट्वीटर, गुगलजस्ता कम्पनीले गरेको जस्तै विश्वको ध्यान तान्ने गरी एप सार्वजनिकको तयारी गरेका छौं,’ उनले भने ।

अमेरिकी बजारमा मिनी आइपिओ जारी गरेको आइटी स्टार्ट अप कम्पनी सगुनले स्मार्टफोनका पारिखीहरुले लामो समयदेखि प्रतीक्षा गरेको मोवाइल एप प्ले स्टोरमार्फत सार्वजनिक गरेको हो ।

एन्ड्रोइड प्लेटफर्ममा उपलब्ध यस एपले प्रयोगकर्ताको गोपनियतालाई निकै ध्यान दिएको छ । सगुनको मोवाइल एप सूचनाको गोपनियतामा महत्वपूर्ण फड्को हुने सगुनका संस्थापक गोविन्द गिरीको दावी छ । एपबाट पठाइने फोटो, टेक्स्ट, भिडियोलगायतका प्राप्त गर्नेले हेरीसकेपछि आफैं डिलिट हुने फरक खालको विशेषता यसमा छ ।

कुराकानीका क्रममा नजिकका मानिससँग धेरै गोप्य कुराहरु सेयर गरिन्छ । जब सम्बन्धमा अनबन हुन्छ, त्यही कुराकानीलाई स्क्रिन सट बनाएर सामाजिक संजालमा छरपस्ट पार्नेहरु धेरै छन् । यस्ता अविश्वासीहरुलाई प्रमाण संकलन गर्न सगुनले अब दिने छैन । यसमा आफ्नो गोप्य कुरा, फोटोहरु, परिवारका सदस्य, साथी र आफ्नो समुदायका ब्यक्तिहरुलाई बाँड्न सकिन्छ । यसैगरी, आफ्नो समूह व्यवस्थित गरेर सन्देश, फोटो र स्टिकरहरु आदान प्रदान गर्न सकिने विशेषता मोवाइल एपमा छ ।

यसको अर्को विशेषता आफ्नो दैनिकीलाई तालीकामा राखेर साथीभाईलगायतलाई शेयर गर्न सकिन्छ । त्यस्तै, यसमा टुडेज सेक्रेट नामक छुट्टै एप छ, जसबाट हाम्रो दैनिक गोप्य स्टोरीहरु साथीभाई र परिवारलाई सेयर गर्न सकिन्छ । आफ्ना मेमोरेबल इभेन्टहरुलाई सेयर गर्न कस्टोमाइज्ड अप्सन यसमा छ । यसले तपाईका प्रियजनलाई मात्रै दिनभरीको स्टोरी सेयर यही एपले गरिदिन्छ । यसमा दैनिक सेड्युल वा साप्ताहिक सेड्युल बनाउन सकिन्छ ।

Leave a Reply

Your email address will not be published. Required fields are marked *